Purchased over $600 to enjoy free shipping.(HK, Macau, Taiwan only)



News

[Goodwear 港 x 美 x 日] 款式大解剖 - 完結篇 -

Posted by 菇 皮 on

上一part詳細介紹完Goodwear嘅背景 (回顧小連結),大家都多多少少對佢了解深咗~ 依家就奔入正題!等小編即刻介紹今季Raider引入咗咩新款啦!   Goodwear Japan🇯🇵 Goodwear Pocket Tee  好多朋友仔都會專登上嚟揾呢一款,因為佢實在太多顏色選擇啦,小編都數唔岀有幾隻色,救命~ 佢沿用咗Modern Fit cutting,Made in USA,日本後期染色加工,剪裁比較Fit身,7.2oz厚,100% USA cotton,仲用咗雙車線設計加強縫合。 重要嘅係佢喺染色過程中已經做咗縮水程序,唔洗擔心有縮水問題!小編強力呢款俾女仔們著,因為小編就是女生喔,cutting好適合女仔的~ Goodwear USA🇺🇸  Classic Fit Goodwear Crew Neck T-shirt 呢款平時大家見得最多架啦~ 寬鬆大件,7.2oz厚,100%USA cotton,Size range係S-XXL,咩身型都carry到。冇pocket,簡單而厚實,好易mix and match架咋,小編覺得佢可以就咁襯條長或短嘅工裝褲就岀得街架啦~ Goodwear Pocket Tee  呢款係有Pocket嘅crew Neck Tee,同樣採用Class Fit cutting,都係7.2oz厚,100% heavyweight cotton, 特別嘅係佢今次返到,之前每季一返就快速SOLD OUT既 Washed Grey▼ Washed Blue▼  相信呢兩隻色第一開賣一定好快賣哂=] 手快有!手慢無!. 無得KEEP 貨 (VIP 除外)XD   Goodwear Henley Tee  呢款就係小編係IG強力推薦嘅亨利領,一樣都係Class Fit cutting,6色入,7.2oz厚,100% USA cotton heavyweight jersey,夠哂闊身同挺身。 小編覺得呢套worker味重,可以試下襯chinos或者吊帶工人褲,FIT呀! 鐘意既入邊打多件白色底做下少少LAYER都得 所以亨利領真係可以一衫幾著都得=]     ❗️新款突襲❗️   Goodwear Summer Weight Tee Modern Fit   呢款小編見到都心心眼~點解? 因為佢啲染色夠哂特別, 睇慣咗單一嘅顏色,所以更加對呢款嘅顏色一見鍾情♡ 佢經過咗批染Batching dyeing嘅過程,當中嘅化學反應Enzyme reaction令到布料表面有鵝卵石摩擦嘅效果。 除此之外亦都有經過酸色染法 會見到有顏色漸層嘅效果~ 呢款採用咗Modern Fit cutting 重5.5oz 偏薄身 冇side seam 特別嘅係綿線方面用咗「精紡環錠紡combed ring-spun」,令件衫嘅手感好柔軟同順滑。 我哋分別引入咗4隻色: 天空藍、海水藍、灰白、淺紅。對染色工藝感興趣嘅就要留意呢款啦~    ...

Read more →


37年不變 [美製] 傳奇"Goodwear"入門解說 <上卷>

Posted by 菇 皮 on

大家期待已久嘅Goodwear 日版短袖 終於強勢回歸啦🔥🔥🔥相信唔少朋友仔都同小編一樣等咗佢好耐~(感動中😭)記得上年開賣既時候BOOM 一聲無哂SIZE! 有見及此,我哋將會喺4月底既連同美版新款一齊攪個, Pop Up Showroom,俾大家盡情感受美式既粗獷豪邁同日本對細緻執着所產生嘅化學反應! LET'S GO!▼ 相信黎得Raider既朋友仔買就買得多,但大家又知唔知道佢嘅小小背景呢~? 有興趣了解更多嘅話就要睇下接下來嘅介紹啦! 知道愈多,就會愈對Goodwear愛不釋手!!!   今次嘅Blog Post將會分為上下兩節,因為小編想詳盡啲介紹Goodwear俾大家~     長文慎入哈哈🤪...... -  首先,一樣好既產品,咁多年都咁受到素色愛好者既青睞,絕對唔只係表面靚咁簡單. 其實我哋一向都會同大家推崇Goodwear嘅高品質,原因佢係嚟自於兩個好重要嘅Trademark所認證⭕️ - 「Cotton USA」 佢屬於非營利機構美國國際棉花協會(CCI)所推岀嘅商標,以推廣美國棉花同棉製品,令其成為唔同紡織廠、品牌及消費者嘅首選纖維素材💯。 Cotton USA注重物料嘅Quality(品質)同Sustainability(環保永續),堅持用好嘅原料,並且利用嚴謹嘅棉花種植技術,竭力生產環保嘅棉花,生產高質量綿產品🌱。 「Fair Labour Association」 佢嘅宗旨係通過促進遵守國際勞工標準,聯合各界努力嚟保護工人嘅權利同埋改善全世界嘅工作條件。 FLA對生產FLA公司產品嘅地方會進行獨立嘅監視同驗證,以確保佢哋遵守FLA嘅workplace standard。FLA秉持公平、合乎道德嘅理念,致力解決勞工問題👨🏻‍🔬🧑🏻‍🔬   有以上兩個Trademark認可,令Goodwear嘅Quality絕對係信心保證💪🏻  - 總括黎講現今嘅年代節奏太快🏃🏽‍♀️,所以好多美國生產品牌為咗生產速度快啲、喺品質方面嘅監控,相比以前真係差咗🤢   其實都係因為咁...先延伸左「Cotton USA」出嚟,都係為咗保證返, 現今美國生產既質量,同以前黃金年代美國產物既質量係相同!(起碼你哋買到嘅都係100%真既美國純綿)呢點好重要!X3 另外有「Fair Labour Association」監視同驗證,所以亦都唔需要擔心生產背後有血汗工廠嘅問題,工人合理上班,自然生產過程就唔會HEA你啦!可以安心購買嚕🛒 -   另外Goodwear嘅粉絲應該都知道佢分別有美版🇺🇸同日版🇯🇵,咁你又知唔知佢哋有咩不同之處呢?等小編解答下啦💬 先講美版Goodwear 首先一定係100% Made in USA佢嘅product分別有三種剪裁✂️▼ Classic Fit Goodwear最原始同長期採用嘅cutting 寬鬆而舒適 1.25寸闊嘅領口羅紋 寬袖係佢嘅特色 Modern Fit  直筒版型 合身剪裁 領口偏幼 袖亦偏短   Slim Fit  Fit身設計 幼領口 領口圈位比較闊 袖口比較細小 整體嚟講,Goodwear USA嘅版型比較多樣化,有寬鬆粗獷感覺嘅款式,同時亦都有修身斯文型嘅款式,印合哂唔同人嘅口味😋 -   跟住就講日版既GOOD WEAR 佢係Goodwear USA嘅分支,依然都係Made in USA❗️   日版沿用咗Modern Fit cutting,係比較Fit身架,啱返亞洲人身型▼ 咁佢同日本又有咩關聯呢?▼   事實係佢採用Goodwear USA嘅美國棉,下一步喺日本進行染色加工🧺。上一篇Blog Post提到日本嘅職人精神(回顧傳送門)同成品細緻度掛勾,而日本嘅染色工藝亦是如此。 日本嘅染色工藝已經有千年歷史,紥染、草本染、注染等等都係日本傳統嘅染色技法,成品均細膩自然,日本嘅染色技術水平可見值得信賴。   而日版Goodwear就喺採用咗日本嘅Garment Dye染法Garment Dye▼ 成衣染色,意思係先做咗件衫岀嚟,再進行染色。呢個係最廣泛嘅染色方法,佢令到布料摸落柔軟,幾有手感,顏色望落都豐富啲。同時佢都喺染色嘅過程中已經做咗縮水處理,所以朋友仔係唔洗驚有縮水嘅問題,最重要就係真係顏色好靚😍😍😍!!!!!!!!!      ...

Read more →


四月份新品- 日本製 "只有更好的藝術品" \ BETTER JP \

Posted by 菇 皮 on

大家有冇發覺呢排多咗幾陣薄霧同埋感覺到濕氣呢?因為...正式踏入咗春天啦! 天氣忽冷忽熱,有時又會因為潮濕覺得黐立立,唔知著長袖好定短袖好。小編都覺得好麻煩...不過嚟緊我哋4月頭將會推出一個日本品牌,佢嘅T-shirt正正適合呢啲時節著,就係BETTER仔啦。 喺介紹BETTER仔之前,相信好多香港人都喜愛日本呢個地方!講到日本,大家會諗起咩?壽司?拉麵?天婦羅?哈哈諗起都留哂口水=] 但係小編今日想講嘅係日本文化好重要嘅一環: 職人精神。   對日本有少少了解嘅朋友仔應該都知道呢個term~日本嘅職人精神著重「以人為本」,喺唔同方面嘅發展上,都體察到「人」嘅需求其實不斷地改變。   專注細節,對生活嘅堅持,係日本人一直堅守嘅傳統。而喺日本美學一系列古老理念中,「澀」代表住單純、微妙同不引人注目嘅美。 整體睇落簡單,但佢哋蘊含住好多微妙嘅細節,例如紋理,平衡咗簡單性同複雜性。兩者之間嘅平衡令我哋不斷發現新嘅意義美同豐富嘅美,令事物嘅價值隨住時間而增長。 好似明又唔明咁,小編明嘅!!! 但要知道,一件衫嘅背後,就係包含住大大小小嘅意念。 簡單而精緻嘅設計風格正正係Brand Director,Mr. Masaki Sugimoto所追求,因而創立咗BETTER,透過BETTER 去詮釋「澀」一詞。 佢嘅產品風格係行Smart Casual路線,Simple and Clean。 幾位Raider之子著落都覺得啲設計幾顯瘦同特別顯線條添。 好啦入正題先。 今年春季就引入咗三款唔同嘅T-shirt,等小編逐一介紹吓佢哋先!   Mid Weight Tee 中意「洗水」或者「山系」Feel嘅朋友仔要留意呢款啦! 因為呢款正正就係同你玩洗水,磨毛感覺,重質感。 首先佢Made in Japan, 使用100%全棉布,質量喺三款T-shirt入面係比較厚。每一款都會經過洗水加工,營造出一啲做舊嘅感覺。 Cutting方面就偏向短身直筒,所以如果各位同小編一樣中意下身著闊腳或者wash過嘅褲的話,咁呢款就可以試下啦! 衫腳底開個小口,咁著高腰褲既時候PAT PAT 銀包就唔會頂住哂=]   同埋又方便見到條靚靚既皮帶。(雖然呢張見唔到haha)   S/S Crew Neck T-shirt 小編最like呢款嘅剪裁「Smart Casual」 ~因為佢比較修身得嚟又唔會太緊,完全可以掩飾晒多餘嘅拜拜肉。   留意吓佢嘅pocket 形狀,同件衫嘅版型一樣都係長方型,完全係Rectangle Forever! 最出色嘅係佢嘅膊頭同埋手袖位置嘅設計,啱啱好且唔會包得太緊,膊頭亦都有弧度有線條。袖腳底唔會向外發展,所以望落去個人都會斯文啲架。 完全心心眼!!!!!!!! 成件衫全部都用上盲縫收邊,望落去更加"CLEAN",用係T-shirt都算唔多見。  補加一張雨中造型照比大家Feel 下 Crew Neck Pocket T-shirt  呢款勁野!!玩「機能性」。佢採用左Cordura 公司所開發嘅T-shirt棉布。 小編見過有唔少買過BETTER嘅朋友仔都係尋找Cordura嘅Tee, 呢種布係以60%Cotton+40%Nylon所製造,可以保留輕盈嘅重量之餘,同時都加強咗布料嘅耐用度同透氣性。   小編強烈推薦呢款T-shirt俾中意户外活動,例如行山⛰或者camping ⛺️嘅朋友仔~因為佢嘅機能性真係無得輸! 但好可惜小編打聽到今季日本個邊因為有些少問題出現左,所以佢地今年停產了.唉..... 聽到呢個消息相信大家都會後悔點解當初冇買,但係有啲嘢就係咁,當失去嘅時候先懂得珍惜XD 但唔緊要雖然今季冇咗呢一款Cordura嘅T恤, 但係我哋今季就入咗另外一款T-SHIRT.   Mid Weight Round Hem T-shirt 就係「牛角袖」啦!!!   布料同mid weight T-shirt 一樣做咗洗水嘅工藝, 下擺部份跟做了弧形的形狀,方便各位插褲袋嘅時候唔會阻住晒。   因為呢款係新款既關係. 詳細資料可以再留意我地IG!!! _IG:Raider.hk 我地Raider Team之後會影多d Snap 比大家參考.YEAH!~~   小編覺得由上面所介紹嘅product睇得岀呢個品牌係好堅持產品嘅染色,縫紉同製造架...細緻度一級棒Des! BETTER,更好。係小編嘅角度去睇,佢所帶岀嘅理念就係: 「沒有事物是完美和對稱,簡單和複雜是相互制衡,我們所追求的亦是如此。沒有最好,只有更好。Better quality,better fabric,for better...

Read more →


德國生產 從仔細度開始

Posted by Steve Ho on

-•100%德國產有機棉使用•無任何工業預洗/化學添加劑•腋下位置三角拼布•Relax Cut•Made On Loopwheeler•Completely Made In GERMANY就以上的所有特點特別是想一嘗Loopwheeled 舊式編織機慢製出來的T恤價錢來說算也算是容易入口Colour:Ink Blue / White / Nut / Deep BlackHKD $580KNOW MORE旺角西洋菜南街68號8樓(旺角銀行中心Body Shop對面,LUSH 旁入)Mon - Sun 3pm to 10pmTEL: 28746799

Read more →


1950s Crew Neck – 品牌最經典的款式

Posted by Steve Ho on

Merz b. Schwanen1950s Crew Neck L/S T-Shirt1950s 系列是品牌最經典的款式,簡單卻不缺乏細節,務求將舒適度提升到極致。使用德國產有機棉及老式 Loopwheele 慢製,無任何工業預洗/化學添加劑;配合標誌性的腋下位置三角拼布,編織出圓筒無縫且手感極佳的圓領T恤。Made In GERMANYColour:Ink Blue / White / Nut / Deep BlackHKD $580KNOW MORE旺角西洋菜南街68號8樓(旺角銀行中心Body Shop對面,LUSH 旁入)Mon - Sun 3pm to 10pmTEL: 28746799

Read more →