Purchase over HKD $800 to enjoy free shipping (HK,MACAU,TAIWAN)



!再度回歸!- 日本本土品牌 \ BETTER JP \

菇 皮 張貼


夏日熱辣辣🥵每日都30幾度,小編每次一出街就即刻成身汗濕淰淰咁💦 特別男士們,一定連衫都唔想著啦😣不過~~衣服裝扮對我哋嚟講喺好重要嘅,幾變幻莫測嘅天氣都總有適合佢嘅衣著🥴所以呢一刻就想同大家介紹今日正式上架嘅BETTER仔啦!

有留意開我哋嘅朋友仔都應該幾得BETTER仔喺4月嘅時候其實已經同大家見過面了👋🏻幾乎俾大家一掃而空😱😱時隔兩個幾月,話咁快又有新一批上架,有3️⃣個新款。究竟今次嘅款式同上次有咩唔同呢同有咩特別之處呢🧐?


今次嘅款式依然秉行BETTER固有嘅✨Smart Casual✨路線,Cutting其實大致上同上次嗰三款一樣,都係Regular為主😎依舊全部Made in Japan🇯🇵重點係佢嘅舒適度同透氣度都好FIT依家嘅天氣des~不容錯過‼️

-

Mid-Weight Crew Neck Tee

👉🏻Blue/Grey/L.T Beige/Green/Burgundy/Gray Mel

 

呢款同上次個一款Mid-weight Tee一樣,  都係玩洗水同colour🎨 洗水其實有好多種,而今次呢款佢就運用咗Pigment Dye Wash🩸                                                                                 
Pigment Dye Wash係咩東東❓Pigment Dye中文係單面塗層或者塗料染色,而Pigment Dye Wash呢種洗水係專為經過Pigment dye嘅衫而設,作用係鞏固原來嘅色澤以及增加手感嘅軟度😋

 

💡小知識分享💡

Pigment Dye係指喺粘合劑嘅協助下,將insoluble 嘅有色物質係織物上形成堅牢、透明、耐磨嘅有色薄膜,將塗料固定喺織物表面嘅染色方法,同一般成衣染色Garment Dye係唔同架🤫

 

所以你可以見到呢款Tee嘅洗水好似海紋咁🌊小編俾呢啲海紋吸引咗眼球👀夠哂特別,啱晒中意簡單但又有啲新意嘅朋友仔✅ 佢都係100% Cotton,質量依然係三款Tee入面最厚。今次嘅洗水方法令到件衫望落特別啲之餘,仲摸落好軟熟好舒服,一啲都唔硬弸弸😌



至於Cutting方面都係偏短身直筒,上面著住呢件有啲洗水紋嘅Tee的話,下身就可以襯返簡單啲嘅褲款啦🤣

         


-

Crew Neck T-shirt

👉🏻Beige/Charcoal/Off white/L.T Gray/Sax Gray


呢款同上次嘅Crew Neck Pocket Tee係同一款嚟,只係冇咗pocket咁解🖖🏻 可能有啲朋友仔都唔記得咗pocket tee係點樣,唔緊要!等小編再介紹多次啦👍🏻

.

.

.

佢用咗100% 美國綿🇺🇸 摸落去質地好柔滑,成件衫全部都係用盲縫收邊,望落係超級Clean😤


 

 

呢款偏Just Fit得嚟又有少寬鬆,整體望落偏長,膊頭同埋手袖位置嘅設計啱啱好,又唔會包得太緊,膊頭亦都有弧度有線條📐繼續掩飾晒多餘嘅拜拜肉,簡直係小編嘅恩物😭

 

 

-

Mid-Weight Round Hem Tee Shirt

👉🏻Green/Blue/Gray/L.T Beige/Gray Mel


呢款同上次嘅Round Hem Tee一樣都係牛角袖款🐮

佢同第一款Mid-Weight Tee一樣都用咗Pigment Dyed Wash,都有海紋係上面des🌊 不過cutting上就唔一樣啦🙅🏻‍♀️

 









 

 

 

 

 

 

 

 

 

佢其實係BETTER今季嘅新Cutting,近年比較興帶啲寬鬆同長身嘅版型,下襬仲帶有少少弧度添🌈因為洗咗水,所以唔洗擔心有縮水問題架🤣

 

呢款利用埋中等磅數嘅Raffy Cotton,係一種環保再生棉布,雖然會比一般棉Tee 嘅生產用更多時間同功夫,但係出嚟嘅面料唔太厚得嚟又夠挺身💪🏻手感又夠乾爽,仲可以吸濕,完全啱哂呢個咁熱嘅日子啊🔥

 

 

小編覺得今次嘅product依然係堅持住品牌喺染色,縫紉同製造上嘅細緻度,真係俾💯。

 

“Better quality,better fabric,for better daily life”

希望大家繼續支持呢個日本本土品牌,一齊體驗下日本嘅細膩工藝♨️



小編菇上🍄




0 則留言

發表留言

請注意,留言須先通過審核才會發佈