Purchased over $600 to enjoy free shipping.(HK, Macau, Taiwan only)



News

/自家品牌By R/一件單品完勝冬天 懶人精選 /上集

Posted by 菇 皮 on

    秋去冬來,話咁快2020年就淨返四分之一嘅日子💨對小編嚟講今年時間過得超快,感覺好似啱啱收埋嘅冬季衫,冇幾耐又要準備攞返出嚟😩但係每逢轉季,都硬係睇啲舊衫唔順眼🤨所以......小編嘅衣櫃係時候要添置定啲新衫,迎接冬天嘅來臨~ 今次主要要介紹既就係我地Raider 自家出品既產品(ByR) 相信好多伴隨住我哋經過好幾個年頭嘅朋友仔,都好熟悉我哋品牌嘅概念,同埋我哋出嘅產品。(多謝各位=])   每一個季度所出嘅產品都秉持住我地 “Art is all from details”嘅信念。 希望客人可以係合理嘅價錢下都能夠得到有剪裁,有舒適感,同款式多元化嘅衫👍🏼 除左淨色TEE之外,都會有外套同恤衫款迎合唔同客人。                    而By R 一直行嘅路線係比較Street wear 同 Sport wear 為主,今年秋冬更融合咗Smart causal 風格。                                             希望除咗令大家着得舒服,同時間都希望大家可以有一件除便得黎又斯文,斯文得黎又唔浮誇嘅衫。   -------------------達至人生既Work Life Balance------------------- 仲有~今年嘅款式選用嘅原材料quality亦都大大提升⬆️ ,偷偷話你知,當中亦有包含Made in Japan嘅Fabric🤫係咪期待感瞬間大升呢hehe~ 2020F/W一共會有六款款式,9月底會先推出3款 等小編介紹下啦⬇️ 01 : By R L/S Oversize Shirt 首先第一同大家介紹嘅就係呢件oversize嘅恤衫。 恤衫絕對係秋冬天必買嘅單品,無論方便性、舒服性同埋外觀,都係可以俾你喺單調嘅衣着,入邊增添一種不用太複雜的色彩。    Brand:  ByR  F                                                            Category: Oversize shirt ...

Read more →


RAIDER 門市將會暫停營業至4/8

Posted by 菇 皮 on

呢排相信大家同小編一樣都因為呢個嚴峻嘅疫情🦠以及政府嘅低智商決策🤬🤬🤬感到十分之不愉快同擔憂!有見及此,我哋嘅門市將會由今天7月31日起至8月4日,一連5️⃣日暫停開放❌。 其實呢個都係一個唔容易嘅決定😔始終對於我哋呢啲小店商家而言,無論係做一個政治表態,抑或係因為疫情而選擇停業,其實就等同於做少日生意、白交一日鋪租同埋其他營運成本💸真係揾食艱難㗎,小編都就嚟把持唔住🤢 但係!見到依家疫情持續咁惡化,每日百幾單咁去,但關又死都唔肯封,等同送緊香港人去死🧨 信政府真係算鳩數了💢 所以呢,我哋都認真考慮咗社會責任同埋”commercial” 嘅問題,經過從長計議💬 我哋RAIDER就決定停業五天🙏🏻 主要都係希望大家盡量喺返工以外嘅時間留係屋企抗疫,保護自己之餘亦都保護身邊嘅人😷 最重要嘅,就係我哋所有人都有責任去減輕前線醫護人員嘅負擔而減少不必要嘅外出,大家明㗎啦🥺 不過留係屋企又想買衫點算好呢❓RAIDER ONLINE STORE幫到你👍🏻 雖然門市唔開,但係大家依然可以上我哋嘅Online Store盡情蒐羅啱心水嘅Tee㗎🥳 但係今次就會特別啲,因為我哋會做🌞SUMMER SALE🌞小編聽到都要流口水~準備整裝待發🛒 💁🏻‍♀️熟悉我哋嘅朋友仔都知道我哋好少做”on sale”,始終我哋係一家淨色Tee 專賣店,唔會有太多on/off season之分,一年入面最多都只係喺某兩三個節慶先會推出優惠同大家開心share下~但今次由於停業抗疫關係,我哋就爽快地搞個SUMMER SALE等大家開心下🤣 SUMMER SALE 將會由今日起喺 RAIDER ONLINE STORE 進行,同時鼓勵大家安在家中,如果乖乖地留係屋企,獎勵就喺⋯⋯今年會有比較大幅度嘅PRICE MARK DOWN😱😱 部分貨品會由原價MARK DOWN⬇️最低至半價‼️由較大眾親民啲嘅牌子例如AAA,Proclub,Touch&Go 等,到比較精英嘅品牌例如Lady White,Merz B 等等都包括在內㗎☺️港澳台地區買滿 HKD$600仲可以免運費添👏🏻 另外💋凡係選購滿 3/5/10/20件 更可享有「折上折」優惠🤟🏻 分別有額外5%,10%,15%,20% 嘅Discount❗️ 同時都適用係所有貨品包括減價貨品,新貨以及公價貨品🙆🏻‍♀️ 最後記得check out嗰陣輸入埋指定Discount Code: 3pcs5% 5pcs10% 10pcs15% 20pcs20% 咁就Perfect㗎啦💁🏻 — 安在家中都可以約埋親戚朋友一齊夾單選購淨色Tee獲取更大折扣,部份貨品貨量有限,各位Enjoy and Stay Healthy!! 小編都準備要大出血🩸 ⚠️今晚9:00p.m.-明天9:00a.m. 網店會進行維修,以準備明天開始的減價⚠️ Are you ready? I’m ready 💦💦💦

Read more →


!再度回歸!- 日本本土品牌 \ BETTER JP \

Posted by 菇 皮 on

夏日熱辣辣🥵每日都30幾度,小編每次一出街就即刻成身汗濕淰淰咁💦 特別男士們,一定連衫都唔想著啦😣不過~~衣服裝扮對我哋嚟講喺好重要嘅,幾變幻莫測嘅天氣都總有適合佢嘅衣著🥴所以呢一刻就想同大家介紹今日正式上架嘅BETTER仔啦! 有留意開我哋嘅朋友仔都應該幾得BETTER仔喺4月嘅時候其實已經同大家見過面了👋🏻幾乎俾大家一掃而空😱😱時隔兩個幾月,話咁快又有新一批上架,有3️⃣個新款。究竟今次嘅款式同上次有咩唔同呢同有咩特別之處呢🧐? 今次嘅款式依然秉行BETTER固有嘅✨Smart Casual✨路線,Cutting其實大致上同上次嗰三款一樣,都係Regular為主😎依舊全部Made in Japan🇯🇵重點係佢嘅舒適度同透氣度都好FIT依家嘅天氣des~不容錯過‼️ - Mid-Weight Crew Neck Tee 👉🏻Blue/Grey/L.T Beige/Green/Burgundy/Gray Mel   呢款同上次個一款Mid-weight Tee一樣,  都係玩洗水同colour🎨 洗水其實有好多種,而今次呢款佢就運用咗Pigment Dye Wash🩸                                                                                  Pigment Dye Wash係咩東東❓Pigment Dye中文係單面塗層或者塗料染色,而Pigment Dye Wash呢種洗水係專為經過Pigment dye嘅衫而設,作用係鞏固原來嘅色澤以及增加手感嘅軟度😋   💡小知識分享💡 Pigment Dye係指喺粘合劑嘅協助下,將insoluble 嘅有色物質係織物上形成堅牢、透明、耐磨嘅有色薄膜,將塗料固定喺織物表面嘅染色方法,同一般成衣染色Garment Dye係唔同架🤫   所以你可以見到呢款Tee嘅洗水好似海紋咁🌊小編俾呢啲海紋吸引咗眼球👀夠哂特別,啱晒中意簡單但又有啲新意嘅朋友仔✅ 佢都係100% Cotton,質量依然係三款Tee入面最厚。今次嘅洗水方法令到件衫望落特別啲之餘,仲摸落好軟熟好舒服,一啲都唔硬弸弸😌 至於Cutting方面都係偏短身直筒,上面著住呢件有啲洗水紋嘅Tee的話,下身就可以襯返簡單啲嘅褲款啦🤣           - Crew Neck T-shirt 👉🏻Beige/Charcoal/Off white/L.T Gray/Sax Gray 呢款同上次嘅Crew Neck Pocket Tee係同一款嚟,只係冇咗pocket咁解🖖🏻 可能有啲朋友仔都唔記得咗pocket tee係點樣,唔緊要!等小編再介紹多次啦👍🏻 ....

Read more →


紙本石墨:深邃之境 《柳廣成漫畫原稿展》present By RAIDERHK

Posted by 菇 皮 on

大家近排應該見到Raider陸續喺IG同FB同埋喺唔同嘅黃店宣傳緊一個小型展覽,相信大家都會好奇究竟係咩一回事呢🤔? 其實呢個展覽係我地Raider同一位非常出色嘅本地漫畫家,柳廣成先生所合辦嘅一個原稿展✏️。呢位漫畫家畫嘅作品偏向黑暗及沉重,只要搜尋下佢嘅作品,你就會明白佢對香港有幾大貢獻以及對我哋嘅影響。而我哋所愛嘅香港正值黑暗時期,進一步驅使我哋想搵佢合作🇭🇰。 1990年出生嘅柳廣成,兩歲跟隨爸爸去日本生活,六歲左右已經決定要踏上漫畫家之路🧑🏻‍🎨。依家主要係做漫畫,動畫同插畫。八歲跟父母返咗內地暫住,等待佢嘅係受盡欺凌嘅一年。因為仇日思想,無論同學抑或為人師表,都會唔中意佢,想盡辦法蝦佢😖。小編都曾經俾人欺凌過,係會對以後嘅自己有影響🙍🏻‍♀️。呢個童年經歷亦都影響咗依家嘅柳廣成,性格上變得沉穩,亦都因為呢個經歷令到佢嘅作品充斥住沉重氣息,不禁會聯想到好多事情嘅黑暗面,發人深省💭。撇開漫畫家嘅身份,佢同時間係一位街舞人,因此都渴望住更多嘅自由,更多嘅空間,作品中都會流露住對自由同空間嘅一絲期盼🌤。 「紙本石墨:深邃之境」透過今次嘅展覽,我哋想俾各位親身感受下原稿嘅鉛筆筆觸同石墨質感嘅配合。一張紙📜,一枝筆✏️,就足以表達一個故事,一個訴求,呢個就係藝術嘅強大之處😤。同時可以喺一眾原稿當中探究作品嘅深邃意味以及難以言喻嘅㤞寂氣息,從而反思當下,亦都藉此話俾大家聽,願在黑暗中仍一起同行👫👭👬當日我哋會除咗幫佢哋擺畫展之外,我哋仲會買唔同產品,例如T恤啦,海報啦,同postcard🥳 而且我哋會將所有收益扣除成本後全部都會比呢位artist。點解呢🤯?因為當佢支持我哋嘅時候,我哋又有咩理由唔支持佢呢? 同樣地啦,其實我哋Raider都希望繼續有大家嘅支持🙌🏻 咁喺今次嘅原稿展入面,我哋依然以賣T裇為主啦😎不過今次由於係同漫畫家合作 ,所以就唔係賣淨色Tee,而係賣印刷咗柳廣成作品嘅T裇紀念品🎀T裇係以AAA嘅T裇做base,再加以印刷,寬鬆度同厚薄度都Fit哂呢個夏天啊🌞 紀念T裇一共有🖐🏻款,分別抽取自柳廣成嘅🖐🏻個作品嘅唔同篇章,T裇有三大特色: 低調,以肉眼去感受👁每款作品都有一句文字去形容佢,但我哋將句文字低調地收喺Tee入面.希望大家可以用肉眼去睇幅漫畫去感受其中,而唔係先睇文字再睇漫畫去感受😌。好多作品唔需要講出嚟寫出嚟先明白,我哋係呢方面嘅細節位用咗更多時間去製作🕑,亦都願意花功夫落去,去呈現最好嘅presentation俾大家🙏🏻 Printing🎨 唔玩colourful,五款T裇都以玩黑白同漸變為主🔳每一款嘅顏色深淺度都唔同,比較細緻,同埋主動都係迎合返漫畫家偏黑暗沉重嘅畫風。 Postcard🏷 當你買咗一款T裇,我哋都會隨機附上一款同作品其他篇章嘅postcard,小編都覺得好吸引🥰   咁多款T裇,等小編都略略講下我最中意嘅兩款啦👍🏻首先,呢一款係摘自柳廣成2017年嘅長篇作品《Unknown Brothers》其中一個篇章,係講一個生活喺家暴同婚姻破裂底下嘅小朋友因為得唔到家庭嘅愛,決定走上天台,了結一生😔小編未知呢個故事之前,已經覺得幅畫好沉重,企喺天台前嘅佢,如果小編係佢,究竟會做出點樣嘅決擇呢,你又會點決擇呢?     另外呢一款係摘自柳廣成2017年50頁短篇漫畫《Relaxation》。佢嘅漫畫原篇《消遣品》喺2014原創漫畫新星大賽攞過季軍添🥉「追求自由是生物的本能」呢句文字,小編睇幅漫畫都可以切切實實咁感受到。原本生活喺無拘無束嘅大自然,卻俾人類捉咗關喺籠中任人擺布,令人心痛💔 其餘三幅小編都好中意,但就保持下神秘先,公開住兩款咁大把先啦hehe🤫其實啊講到尾,可以同佢合作都係我哋嘅榮幸🙌🏻🙌🏻 希望大家都多多支持本地嘅藝術家們,佢哋都需要大家嘅支持㗎🙏🏻想了解更多柳廣成嘅成長經歷同對香港自由空間以及對藝術創作嘅睇法,可以去以下嘅youtube link收睇㗎😎👍🏻 PART1 沈重 PART2 人生 #artisallfromdetail#supportlocalartist.

Read more →


/GO HEMP /大自然の大麻 x 有機綿花

Posted by 菇 皮 on

GoHemp 踏入6月,一時又落雨⛈一時又勁曬☀️小編同大家⼀樣都好頂唔順呢種咁濕熱嘅天氣😰  普遍嘅解決方法就係著件薄身T裇 (最好係白色嘅) 但係一岀汗就會好痴立立,白T仲會有汗漬😵   喺濕熱嘅天氣下,要做到透氣又唔係得白色咁寡,GoHemp嘅T裇就最適合不過啦👍🏻 等小編嚟介紹下呢款新牌子先😋去馬‼️   GoHemp係一個擁有20多年歷史嘅日本品牌~~ 同品牌名一樣,係以自家研製布料,特別以大麻成份為主🌿 大麻係近年被愈嚟愈多品牌所使用嘅材料,環保之餘♻️仲唔少得機能性,包括抗菌,防UV同埋透氣性高💯 除此之外,GoHemp嘅系列都係比較colourful,顏色多元但又唔太鮮艷,走natural路線🌼好適合炎炎夏日嘅感覺,十分吸引des neh😎 呢個品牌其實係Goodwear Viscose Hemp Tee嘅延伸,成份同功能上都好相似😯 (GOODWEAR 回顧) 但小編覺得GoHemp嘅款式會比較Outdoor啲🧢 仲好適合Camping人士添⛺️   今次我哋引入咗4️⃣款系列 Basic Regular Hemp Tee Fine Day Tank Top Basic Football Tee  Wide Pocket Tee  全部都採用: 55% Hemp + 45% Organic Cotton 佢係天然混合物,喺呢個比例下,大麻吸水能力高而且好快就會變乾,仲唔易發臭💩 再加上有機棉獨有嘅柔軟觸感,望落好似起毛粒咁,但只係混合成份下令到摸上去會有啲凹凹凸凸嘅感覺,佢嘅Tee著上嚟好舒適🌬4款都只係Cutting上有分別only ~~  Basic Regular Hemp Tee 呢個系列一共有12隻顏色,夠哂豐富,任君選擇🌈 整體偏細件短身,闊領同埋袖長都偏短。 佢嘅Basic regular cut 係任何人都可以carry到,可以當底衫或者單件頭咁著都好Fit架🈴  另外領口位置不太緊,同埋日本牌子剪裁唔算太大件,所以女仔都真係完美CARRY 嫁 (STAFF SNAP)   (STAFF SNAP)   個人好推薦NATUAL呢隻顏色,唔會太鮮艷米米地,但又幾特別咁,可以試下襯啲短褲或者闊褲都oj 架✌🏻 Basic Regular Hemp Tee 產品連結 FineDay Tank Top   背心款就比較上偏長同小寬鬆,亦都係可以當底衫或者單件頭咁著 著上嚟幾乾爽又舒適🍃怕熱嘅人不妨考慮下入手一件背心啊😜 Basic Football Tee  7分袖係呢一款Tee嘅主要特色,唔少客人都有上過嚟問過有冇7分袖嘅T裇,今次呢款啱哂你啦🤟🏻 Football Tee嘅設計會令到件衫多咗亮點✨想玩下新嘢唔想咁悶嘅不妨試下呢一款✅ 顏色方面呢2隻以下係小編誠意推薦2020 GOHEMP 新色=] (Fair Green) (sand stone) Basic Football Tee 產品連結 Wide Pocket Tee   ...

Read more →